Presidenti i Ukrainës, Volodymyr Zelensky ka emëruar të dielën Andrii Hnatov si shef të ri të shtabit të përgjithshëm të forcave të armatosura të Ukrainës, në përpjekje të ristrukturimit dhe forcimit të ushtrisë ndërsa përballet me luftime të ashpra në rajonin Kurs të Rusisë dhe një presion në rritje në Donetsk.
Hnatov zëvendësoi Anatoliy Barhylevych, i cili mbante postin që nga shkurti i vitit 2024. Emërimi u njoftua nga shtabi i përgjithshëm përmes kanalit të tij në Telegram të dielën.
“Ne po transformojmë në mënyrë sistematike Forcat e Armatosura të Ukrainës për të rritur efektivitetin e tyre luftarak”, tha ministri i Mbrojtjes Rustem Umerov.
Barhylevych tani do të shërbejë si inspektor i përgjithshëm i Ministrisë së Mbrojtjes të Ukrainës. Umerov theksoi se Barhylevych do të “mbetej pjesë e ekipit”, duke mbikëqyrur standardet ushtarake dhe duke forcuar disiplinën në ushtri, raporton AP.
Ky ndryshim në personel vjen ndërsa luftimet vazhdojnë në rajonin Kursk të Rusisë, ku Shtabi i Përgjithshëm i Ukrainës tha se trupat ukrainase ishin përfshirë në tetë përleshje luftarake të dielën.
