Presidenti ukrainas, Volodymyr Zelensky është nisur për diskutime urgjente te enjten me liderë dhe zyrtarë nga 30 vende të cilat i mbështesin përpjekjet e Kievit për të siguruar një marrëveshje të favorshme të armëpushimit, pas katër vitesh luftë.
Zelensky më parë deklaroi se i ka dorëzuar një plan 20-pikësh SHBA-së të mërkurën, ku secila pikë përmban një dokument të ndarë me detaje rreth kushteve të zgjidhjes.
“Jemi mirënjohës që SHBA-të po punojnë me ne dhe po përpiqen të marrin një qëndrim të ekuilibruar”, u tha Zelenskyy gazetarëve në kryeqytetin ukrainas Kiev. “Por në këtë moment është ende e vështirë të thuhet se si do të duken dokumentet përfundimtare.”
Udhëheqësit e Gjermanisë, Britanisë dhe Francës ishin midis atyre që morën pjesë në takimin e aleatëve të Ukrainës, të quajtur Koalicioni i të Vullnetshmëve , nëpërmjet një lidhjeje video.
Zelenskyy tregoi se bisedimet u organizuan me nxitim, ndërsa zyrtarët e Kievit përpiqen të shmangin bllokimin nga Presidenti i SHBA-së, Donald Trump, shkruan Associated Press.
Përballë kërkesave të Trump për një zgjidhje të shpejtë , qeveritë evropiane po përpiqen të ndihmojnë në drejtimin e negociatave të paqes, sepse thonë se siguria e tyre është në rrezik.
Bisedimet janë në “një moment kritik”, deklaruan të mërkurën udhëheqësit evropianë.
Javën tjetër, Ukraina do të koordinohet me vendet evropiane në një nivel dypalësh, tha Zelenskyy të mërkurën vonë, dhe vendet e Bashkimit Evropian do të mbajnë një samit të rregullt në Bruksel në fund të javës së ardhshme.
