Pas takimit presidenti ukrainas dhe kryeministrat shqiptar, kanë mbajtur një konferencë të përbashkët për media.
Zelensky ka thënë se Shqipëria, Mali i Zi dhe Maqedonia e Veriut mbështesin dhënien e statusit të Ukrainës si kandidat për anëtarësim në BE.
“Shqipëria, Mali i Zi dhe Maqedonia e Veriut mbështesin dhënien e statusit të shtetit tonë si kandidat për anëtarësim në BE. Në këtë mënyrë evropiane, vendet tona nuk janë konkurrente, por vetëm plotësojnë dhe krijojnë mundësi të njëra-tjetrës. Dritan Abazovic dhe Edi Rama ju falenderojnë për vizitën dhe bisedat produktive”, ka shkruar ai.
Kryeministri i Shqipërisë, Edi Rama dhe ai i Malit të Zi, Dritan Abazoviq, kanë vizituar sot qytetin e Irpinit në Ukrainë, ku kanë parë nga afër shkatërrimin që shkaktoi lufta.
Në një postim tjetër në Twitter, kryeministrat e dy shteteve të Ballkanit shihen duke vizituar edhe qytetin Irpin.
“Ne vizituam qytetin Irpin, ku u shkatërruan 1100 familje. Shumica e qytetarëve u larguan nga shtëpitë e tyre, infrastruktura u rrënua …Ne simpatizojmë Ukrainën, për humbjen e shumë jetëve dhe vuajtjeve që po kalojnë prej muajsh. Paqja është e paçmueshme”, shkruan Abazoviq. /teve1.info./
