Presidenti ukrainas, Volodymyr Zelensky e ka refuzuar ofertën, duke shtuar se bisedimet në Minsk mund të ishin të mundshme nëse Rusia nuk do e kishte sulmuar Ukrainën nga territori i Bjellorusisë.
BBC ka raportuar se ai megjithatë ka lënë derën e hapur për negociata me vendet e tjera.
“Nëse nuk do të kishte pasur veprime agresive nga territori juaj, ne mund të bisedonim në Minsk… qytetet e tjera mund të përdoren si vend për bisedime.
“Sigurisht që ne duam paqe, duam të takohemi, duam që lufta të përfundojë. Varshavë, Bratislavë, Budapest, Stamboll, Baku – ua kemi ofruar rusëve”.
“Çdo qytet tjetër do të na përshtatet gjithashtu – në një vend, nga territori i të cilit nuk lëshohen raketa ndaj nesh. Vetëm kështu negociatat mund të jenë të ndershme dhe mund t’i japin fund luftës”, tha Zelensky.
