Presidenti ukrainas, Volodymyr Zelensky, për atentatin ndaj ish-homologut të tij amerikan, Donald Trump është shprehur i tmerruar.
Lidhur me këtë, presidenti ukrainas ka thënë se një dhunë e tillë nuk ka justifikim dhe nuk ka vend askund në botë.
“Jam i lehtësuar kur mësova se Donald Trump tani është i sigurt dhe i uroj një shërim të shpejtë. Ngushëllimet e mia shkojnë për të afërmit e viktimës së këtij sulmi, një pjesëmarrës në tubim. Uroj që Amerika të dalë më e fortë nga kjo”, ka shkruar Zelensky në X.
