Presidenti i Shteteve të Bashkuara të Amerikës, Donald Trump ka mirëpritur sot për takim presidentin Ukrainas Volodymyr Zelenskyy.
Tek dyert e Shtëpisë së Bardhë, e ka ngacmuar presidentin ukrainas duke thënë se Zelenskyy është ‘‘i gjithi i veshur’’.
Trump u kthye edhe në drejtim të gazetarëve të cilëve ua tha të njëjtën gjë për presidentin ukrainas, duke u shprehur se: ‘‘Ai është i veshur i gjithi sot’’, raporton The Guardian.
Presidenti amerikan Donald Trump, ka konfirmuar se mes tij dhe presidentit ukrainas Zelensky, më vonë do të nënshkruhet marrëveshje për mineralet.
The Guardian raporton se presidenti i SHBA ka vlerësuar trupat ukrainase si “të pabesueshme të guximshme” dhe u ka dhënë atyre “meritë të madhe” për qëndrimin ndaj agresionit rus për tre vjet.
Po ashtu, ai ka thënë se marrëveshja për mineralet do të nënshkruhet në konferencën për shtyp më vonë, duke shtuar se ai e konsideron atë një “marrëveshje shumë të drejtë” dhe ai synon të përdorë materiale të tokës së rrallë për ta “përdorur atë për gjithçka që bëjmë, duke përfshirë AI dhe armët ushtarake”.
Trump ka deklaruar edhe se thelbi i marrëveshjes së re është se “nuk do të ktheheni në luftë”.
Presidenti amerikan thotë gjithashtu se ndërsa Ukraina do të duhet të bëjë kompromise, kjo është vetëm sepse “nuk mund të bësh asnjë marrëveshje pa kompromise”, por ato “nuk do të jenë aq të mëdha sa disa njerëz mendojnë se do të duhet të bësh”.
Ditën e sotme Presidenti i Ukrainës, Volodymyr Zelensky, ka zhvilluar një vizitë në Shtetet e Bashkuara të Amerikës, ku është takuar me homologun Donald Trump në Zyrën Ovale.
Sipas mediave të huaja, gjatë bisedës mes tyre, Zelenskyy i ka treguar Trump-it fotografi të të burgosurve ukrainas të luftës, të mbajtur nga Rusia.
Zmadhimi i njërës prej imazheve tregon emrin Volodymyr Shevchenko.
Shevchenko me sa duket kaloi më shumë se dy vjet në një burg rus si rob lufte, sipas një faqe interneti.
“Ata e mbajtën atë në një qeli me 15 persona të tjerë,” thotë faqja e internetit akmu.
“Na rrahin çdo ditë”, thoshte ai, shkruan A2 CNN.
Ndryshe nga ‘lajkat’ e djeshme të kryeministrit britanik Keir Starmer, Zelenskyy duket se po përballet me Trumpin me realitetin e ashpër të luftës për ukrainasit që nga pushtimi i Rusisë.
Presidenti amerikan Donald Trump, ka akuzuar presidentin ukrainas Zelenskyy se ky i fundit ‘‘po luan me Luftën e Tretë Botërore’’.
Sky News, raporton se Trump i është drejtuar presidentit ukrainas duke i thënë edhe se ajo çfarë ky i fundit po bën është ‘‘shumë pa respekt për vendin’’.
Ai gjithashtu i ka thënë presidentit ukrainas: “O bëni një marrëveshje ose ne dalim.”
“Mos na thuaj se çfarë do të ndiejmë,” i thotë ai Zelensky.
“Ne po përpiqemi të zgjidhim një problem. Mos na thuaj se çfarë do të ndiejmë, sepse nuk je në pozita për të na diktuar atë saktësisht. Nuk je në pozita për të diktuar se çfarë do të ndiejmë”.
Presidenti i Shteteve të Bashkuara të Amerikës, Donald Trump, zëvendëspresidenti JD Vance dhe presidenti ukrainas Volodymyr Zelensky, kanë pasur një diskutim mjaftë të nxehtë gjatë takimit të zhvilluar në Zyrën Ovale të Shtëpisë së Bardhë.
Zëvendëspresidenti i ka thënë presidentit ukrainas se ky i fundit është duke shfaqur mungesë respekti.
“Mendoj se është mungesë respekti për ju të hyni në Zyrën Ovale dhe të përpiqeni ta diskutoni këtë para mediave amerikane. Ju djema po detyroni rekrutët në vijën e frontit sepse keni probleme me fuqinë punëtore. Ju duhet të falënderoni presidentin.”
Pas kësaj, Zelensky është përgjigjur duke thënë: “A keni qenë ndonjëherë në Ukrainë?”.
Vance ia ktheu: “Ju sillni njerëz në një turne propagandistik. A mendoni se është respekt të vini në Zyrën Ovale të SHBA dhe të sulmoni administratën që po përpiqet të parandalojë shkatërrimin e vendit tuaj? Ju shkuat në Pensilvani dhe bëtë fushatë për opozitën në tetor. Ofroni disa fjalë vlerësimi për Shtetet e Bashkuara të Amerikës dhe presidentin që po përpiqet të shpëtojë vendin tuaj.”
Në këtë diskutim ka hyrë edhe presidenti Trump
‘‘Mos na thuaj se çfarë do të ndiejmë. Ne po përpiqemi të zgjidhim një problem. Mos na thuaj se çfarë do të ndiejmë, sepse nuk je në pozita për të na diktuar atë saktësisht. Nuk je në pozita për të diktuar se çfarë do të ndiejmë”, ka thënë ai.
JD Vance and Trump just put Zelensky in his place. Wow. Watch this.
— End Wokeness (@EndWokeness) February 28, 2025
Një takim mjaft i tensionuar është zhvilluar mes presidentit amerikan Donald Trump, zëvendësit të tij Vance, dhe presidentit ukrainas Zelensky, në Shtëpinë e Bardhë.
Këtë diskutim nuk e ka përjetuar aspak mirë ambasadorja ukrainase.
Mediat kanë kapur momentin kur ajo kap kokën gjatë kohës që të tre liderët diskutonin mes vete me tone mjaftë të ashpra.
What just happened in the Oval Office was nothing short of remarkable. What began with questions about security guarantees for a ceasefire with Ukraine turned into an angry shouting match between Trump, Vance and Zelensky. Trump was fuming, ending with, “We have empowered you to…
— Kaitlan Collins (@kaitlancollins) February 28, 2025
Konferenca për shtyp e Donald Trump me Volodymyr Zelenskyy këtë mbrëmje është anuluar.
Dy liderët pritej të dilnin para mediave në Shtëpinë e Bardhë, raporton Sky News.
Megjithatë, pas takimit me shumë tensione në Zyrën Ovale (presidenti ukrainas tani pritet të largohet herët nga Shtëpia e Bardhë.
Në një deklaratë në llogarinë e tij në Truth Social, Trump tha se Zelenskyy “nuk është gati për paqe nëse përfshihet Amerika”, duke shtuar “ai mund të kthehet kur të jetë gati për paqe”.
Si një shenjë se bisedimet shkuan keq, presidenti amerikan Donald Trump sapo ka bërë një postim në rrjetet sociale duke thënë se Zelenskyy “nuk është i gatshëm për paqe nëse Amerika është e përfshirë, sepse ai beson se përfshirja jonë i jep atij një avantazh të madh në negociata.”
“Kishim një takim shumë kuptimplotë në Shtëpinë e Bardhë sot. Mësuam shumë gjëra që nuk mund të kuptoheshin kurrë pa një bisedë nën një presion dhe tension të tillë. Është befasuese çfarë del përmes emocioneve, dhe kam përcaktuar se Presidenti Zelenskyy nuk është i gatshëm për Paqe nëse Amerika është e përfshirë, sepse ai ndjen se përfshirja jonë i jep atij një avantazh të madh në negociata”.
Tutje Trump në statusin e tij thotë se nuk do avantazh, por dëshiron paqe.
Më pas presidenti amerikan thotë se Zelenskyy “pati mungesë respekti ndaj Shteteve të Bashkuara të Amerikës në Zyrën Ovale, kaq të çmuar”.
“Ai mund të kthehet kur të jetë i gatshëm për paqe,” përfundon ai.
Takimi i tensionuar me Trump e Vance: Zelensky largohet nga Shtëpia e Bardhë
Volodymyr Zelensky sapo është larguar nga Shtëpia e Bardhë pas shkëmbimit të tij të tensionuar me presidentin amerikan Donald Trump dhe zëvendëspresidentin JD Vance.
Një transmetim i drejtpërdrejtë i hyrjes së Krahut Perëndimor të Shtëpisë së Bardhë tregon se presidenti ukrainas doli me nxitim nga dera dhe futet në një fuoristradë të zezë, e cila e largon atë, raporton BBC.
Pak çaste më parë , Trump postoi në platformën e tij “Truth Social” se Zelensky “nuk ka respektuar Shtetet e Bashkuara të Amerikës në Zyrën e tyre të dashur Ovale. Ai mund të kthehet kur të jetë gati për paqe”.
