Zekaj tha se ky është projekt i linjës hekurudhore 10 që lidh kufirin me Serbinë me Maqedoninë e Veriut duke kaluar nëpër Kosovë.
Ai theksoi se ky projekt ka filluar më herët, e siç tha ai kjo linjë është diku rreth 149 km.
“Ky investim bëhet në 3 faza. Faza e parë veç është punuar diku mbi 30% të punimeve, faza e dytë është nënshkruar kontrata nga Fushë Kosova deri në Mitrovicë dhe pritet në fillimin e muajit të ardhshëm për të vazhduar me fazën tjetër nga Mitrovica në kufirin me Serbinë”, tha ai.
Ai në emisionin” Ditari” bëri të ditur se Infrakos dhe Qeveria janë angazhuar në studimet e fizibilitetit edhe të linjave tjera.
“Vlenë të ceket se një hap i mirë është bërë që dy qeveritë, ajo e Shqipërisë dhe Kosovës kanë nënshkruar marrëveshje që do të lidhë Prishtinën me portin e Durrësit. Pritet të shpallet tenderi mbi studimin e fizibilitetit kjo linjë është shumë e rëndësishme gjatë këtij viti nuk do të mund të nisë puna por me siguri vitin e ardhshëm”, shtoi ai.
Tutje ai theksoi se linja me Serbinë nuk do të përfundojë në vitin 2022, sipas tij faza me Serbinë do të fillojë me vonë për arsye se veç është në studimin e fizibilitetit dhe pritet të kryhet studimi e mandej të shpallet tenderi për fazen e tretë./teve1.info/.
