Zëdhënësi i Bashkimit Evropian, Peter Stano, e ka cilësuar të padobishëm aksionin e Policisë së Kosovës në katër komunat veriore të hënën, për mbylljen e gjashtë njësive të Bankës Postare Kursimore.
Stano ka thënë se Bashkimi Evropian do të dalë me reagim së shpejti për ngjarjen.
“Ka qenë ngjarje shumë e padobishme. Reagimi jonë zyrtar do të lëshohet herët pasdite”, ka thënë ai në një konferencë për media të martën.
Policia e Kosovës ka mbyllur të hënën gjashtë njësi të Bankës Postare Kursimore në veri, të cilat kanë vepruar ilegalisht që nga paslufta. Në to u konfiskuan rreth 1.6 milionë euro.
