Zëdhënësi i Aleancës për Ardhmërinë e Kosovës, Kushtrim Xhemaili i ka reaguar deputetit të VV-së Dimal Basha, i cili tha se Ramush Haradinaj duhet të japë llogari për rritjen e çmimit të shpronësimit të autostradës Kijevë – Zahaç, prej 31 në 42 milionë euro.
Xhemaili ka shkruar se një kryeministër nuk i rritë e as zvogëlon kostot e projekteve.
“Këtë punë e bëjnë disa njerëz të tjerë dhe këtë do të duhej ta dinte ky farë deputeti aksidental”, ka shkruar Xhemaili.
Ai ka shtuar se gabimet e të tjerëve janë shumë të vogla për t’i mbuluar megaskandalet e VV-së.
“Por meqë po shitet si shumë i dijshëm, le t’i japë edhe disa përgjigje të tjera; për Martinin psh, ose për Nagipin, ose për Rozetën, ose për atë farë matrapazin e miellit, ose për “nanat në livadh””, ka shkruar Xhemaili.