Regjisori i njohur dhe partneri i aktores Aubrey Plaza, Jeff Baena, u gjet i vdekur në shtëpinë e tij në Los Anxhelos.
Zyra e Mjekut Ligjor të Qarkut Los Anxhelos konfirmoi se regjisori i dha fund jetës së tij, duke varur veten.
“Shërbimet e urgjencës u thirrën në vendngjarje në orën 10:25 të mëngjesit të së premtes, pasi një asistent zbuloi trupin e tij, teksa më vonë u shpall i vdekur në vendngjarje”, shkruajnë mediat e huaja.
Baena ishte i njohur më së shumti për shkrimin dhe regjinë e filmeve si Life After Beth, The Little Hours dhe Joshy. Ai gjithashtu bashkë-shkroi komedinë i Heart Huckabees në vitin 2004.
Pas dhjetë vitesh së bashku, Baena dhe Plaza u martuan në vitin 2021, duke mbajtur angazhimin dhe martesën e tyre sekret për muaj me radhë. Plaza është më së shumti e njohur për rolet e saj në Parks and Recreation dhe serialin e Marvel Agatha All Along.
