Policia e Kosovës ka zbuluar dhe sekuestruar sasi të mallit të pa dokumentuar në një market në Leposaviq, në pronësi të dyshuarës me inicialet G.T..
Lidhur me këtë për shkak të dyshimit se është kryer vepra penale “Tregti e Ndaluar ”, policia thotë se është njoftuar edhe njësia e anti-kontrabandës nga Dogana e Kosovës.
Gjatë kontrollit në njoftim është bërë e ditur se janë gjetur 93 pako cigare me nga 25 boksa të llojit Marlboro, LM, Winston, Davidov, 71 gajbe birra e llojit tuborg x 20 copë, 28 pako -Limenka Tuborg x 24 copë, 58 pako alkool Vranac x 6 copë, 27 pako Alkool Rubin x 6 copë dhe 45 pako birra zajeqar x 24 copë.
Lidhur me vlerën e cigareve dhe pijeve alkoolike ende nuk dihet, deri në konfirmimin zyrtar nga dogana e Kosovës.
“Të gjitha veprimet hetimore kanë qenë të koordinuara me Prokurorinë Themelore në Mitrovicë, ndërsa e dyshuara është liruar në procedurë të rregullt dhe mbetet që të intervistohet me datë 22.12.2023 në prezencë të Avokatit mbrojtës”, thuhet në njoftim./teve1.info/
