Sulmuesi i krahut, Baton Zabërgja është ftuar nga Kombëtarja e Kosovës për ndeshjet me Rumaninë dhe Lituaninë në Ligën e Kombeve.
Lajmin e ka konfirmuar klubi i tij, Dinamo City që garon në Kategorinë Superiore të Shqipërisë.
Zabërgja këtë edicion në Kategorinë Superiore ka zhvilluar 12 ndeshje, ku ka shënuar pesë gola dhe ka dhënë dy asistime.
Për sulmuesin 23-vjeçar është hera e parë që ftohet nga “Dardanët”, teksa më herët ka qenë pjesë e Kosovës U21.
Selektori i Kosovës, Franco Foda gjatë ditës së shtunë pritet ta bëjë publike listën e lojtarëve të ftuar.
Kosova më 15 nëntor luan në udhëtim me Rumaninë, përpara se këtë kampanjë të Ligës së Kombeve ta mbyll në Prishtinë kundër Lituanisë më 18 nëntor.
