Golden Eagle Ylli ka regjistruar fitoren e pestë rresht në Superligën e Kosovës në basketboll.
Pas Trepçës, Sigal Prishtinës, Pejës e Bashkimit, skuadra e Yllit mposhti edhe Vëllaznimin.
Të mërkurën në Suharekë në kuadër të xhiros së 27-tl, Ylli triumfoi ndaj Vëllaznimit me rezultatin e thellë 86:63.
Me këtë triumf, Ylli në play-off futet nga pozita e pestë, pasi një xhiro para fundit të stinorit të rregullt ka 41 pikë, një më shumë se Vëllaznimit që ka rënë në vendin e gjashtë.
Ylli dominoi totalisht ndaj Vëllaznimit, i cili u paraqit pa Arian Azemin e Trey Anderson të lënduar.
Për Vëllaznimin, kjo ishte humbja e parë pas tri fitoreve rresht kurse vetëm në çerekun e tretë barazoi 11:11 pasi të tjerët i humbi.
Jalen Nesbitt me 19 pikë e 11 kërcime ishte më efikasi te Ylli kurse te Vëllaznimi u veçua Antwan Walker me 21 pikë të shënuara.
