Pas eliminimit nga Kupa e Kosovës në basketboll, Golden Eagle Ylli do të fokusohet në kampionat, ku do ta zhvillon ndeshjen e radhës.
Sot, në kuadër të xhiros së 17-të në Superligën e Kosovës, Ylli do të përballet me Vëllaznimin, ndeshje kjo që do të luhet në Suharekë prej orës 19:30.
Bazuar në formën aktuale, Ylli llogaritet favorit përball Vëllaznimit, ekip që këtë vit në Superligë ka vetëm një fitore në të gjitha ndeshjet e luajtura.
Në anën tjetër, Ylli I ka fituar të gjitha ndeshjet kampionale këtë vit dhe kërkon triumfin e radhës për të vazhduar ngjitjen në renditje.
Aktualisht, Ylli zë vendin e gjashtë në tabelë me 23 pikë, dy më shumë se Vëllaznimi që renditet i fundit.
