Golden Eagle Ylli udhëton drejt Pejës për fitoren e radhës në Superligën e Kosovës në basketboll.
Sot, në palestrën “Karagaçi”, Peja pret Yllin në ndeshjen e xhiros së 16-të, që nis nga ora 19:30.
Ylli këtë vit ka startuar furishëm, duke shënuar tri fitore në po aq ndeshje të luajtura deri më tani në kampionat.
Dhe, këtë formë synon ta shfaqë edhe kundër Pejës për të regjistruar fitoren e katërt rresht.
Në anën tjetër, Peja nuk di për fitore këtë vit pasi i ka humbur të trija ndeshjet në Superligë.
Po ashtu, Peja të premten ka ndarë rrugët me trajnerin amerikan, Greg Gibson.
Peja është e treta në tabelë me 23 pikë, dy më shumë se Ylli që zë vendin e gjashtë.
