Pas pak do të filloj ndeshja e dytë e serisë finale në Superligën e Kosovës në basketboll ndërmjet Golden Eagle Yllit dhe Trepçës.
Dueli i dytë mes këtyre skuadrave zhvillohet në palestrën “13 Qershori” në Suharekë dhe nis në orën 17:00.
Aktualisht, Trepça po avancon 1:0 në këtë seri pasi triumfoi në ndeshjen e parë të luajtur të enjten në Mitrovicë.
Skuadra që shënon tri fitore në serinë finale, do të shpallet kampion i këtij edicioni në basketbollin e Kosovës.
Trepça nuk e ka fituar titullin e kampionit prej vitit 2012, ndërsa këtë edicion ka dominuar plotësisht në basketbollin kosovar pasi më herët ka fituar Superkupën e Kupën e Kosovës, si dhe Ligën Ballkanike. Në anën tjetër, Ylli po synon titullin e tretë në histori të klubit brenda katër vjetësh.
