Sulmuesi i krahut, Lamine Yamal po vazhdon të thyej rekorde në futbollin evropian.
Pasi u bë lojtari më i ri që luajti në një ndeshje të Kampionatit Evropian, Yamal theu një rekord tjetër në këtë turne që po mbahet në Gjermani.
Ai u bë lojtari më i ri që ka luajtur në një ndeshje të fazës nokaut në Evropian me paraqitjen e tij te Spanja kundër Gjeorgjisë.
Spanja, të dielën mbrëma e mposhti Gjeorgjinë 4:1 në 1/8 e finales, ndërsa Yamal kontribuoi me asistim në këtë fitore.
Kështu që, Yamal vendosi rekord të ri pasi në një ndeshje të fazës nokaut të Evropianit u paraqit me 16 vjet e 353 ditë.
Këtë rekord e kishte mbajtur mesfushori i Anglisë, Jude Bellingham që e kishte vendosur në Evropianin e shkuar kur luajti në çerekfinale kundër Ukrainës me 18 vjet e 4 ditë.
Yamal, tashmë ka vendosur dy rekorde në “Euro 2024” ndërsa ka gjasa të thyejë edhe rekorde tjera, duke u bërë golashënuesi më i ri dhe lojtari më i ri që ka luajtur në finale të këtij turneu.