Superliga e Kosovës vazhdon sot me ndeshjet e fundit të xhiros së 30-të.
Në program janë dy ndeshje për t’u zhvilluar dhe që të dyja luhen me fillim nga ora 15:00 në Gjilan dhe Drenas.
Gjilani dhe Dukagjini do të përballen në Gjilan, në një ndeshje shumë të rëndësishme për të dyja skuadrat.
Si vendasit ashtu edhe mysafirët janë në pozitë të palakmueshme në tabelë dhe kanë nevojë të madhe për pikë për t’i ikur pjesës së poshtme të tabelës.
Dueli tjetër luhet në stadiumin ‘Rexhep Rexhepi’ në Drenas, ku Feronikeli ’74 i rënë tanimë nga liga pret Ballkanin.
Vendasit synojnë të shkaktojnë befasi, derisa Ballkani kërkon tre pikët e radhës për të vazhduar ndjekjen ndaj Dritës.
