Në këtë vikend fillon xhiro e 13-të e Superligës së Kosovës në basketboll, ku gjithësej do kemi katër ballafaqime.
Të shtunën zhvillohen dy ndeshje, së pari në palestrën “Shani Nushi” skuadra e Vëllaznimit është nikoqire e Ponte Prizrenit. Gjakovarët ndodhen në pozitën e pesë-të me pesë fitore dhe shtatë humbje, ndërsa bardh e zinjtë nga Prizrenit një vend më poshtë me gjashtë fitore dhe pesë humbje. Takimi fillon nga ora 17:00.
Ndeshja tetër zhvillohet në “13 Qërshori” të Suharekës ku kampioni në fuqi pret skuadrën nën kampione pra Trepçën. Ylli ndodhet në pozitën e gjash-të me gjashtë fitore dhe katër humbje, ndërsa xehtarët në pozitën e tretë me gjashtë fitore dhe po aq humbje. Ndeshja fillon nga ora 19:00.
Ndërsa në ditën e dielë kemi dy ballafaqime tjera.
Nga ora 17:00 skuadra e Pejës pret skuadrën e Bashkimit. Ndeshja do zhvillohet pa tifozë për shkak të vendimit të federatës mbi incidentin në ndeshjen e kaluar Peja-Vëllaznimi. Shqiponjat ndodhen në pozitën e parë tabelare me nëntë fitore dhe dy humbje, ndërsa portokall e zinjtë në pozitën e shtatë me katër fitore dhe tetë humbje.
Dueli përmbyllës i kësaj xhiroje zhvillohet në kryeqytet, ku skuadra e Rahovecit udhëton për tu ndeshur me Sigal Prishtinën. Prishtinasit ndodhen në pozitën e dytë tabelare me tetë fitore dhe katër humbje, ndërsa vreshtarët ndodhen në pozitën e fundit me dy fitore në dymbëdhjetë ndeshje.
