Talat Xheferi që deri më tash ka qenë Kryetar i Kuvendit të Maqedonisë Veriore, pritet që nga e diela do të jetë kryeministër i Qeverisë teknike në këtë shtet.
E këtë gazetari nga Maqedonia Veriore, Seladin Xhezairi, e sheh përtej simbolikës, pasi sipas tij, kjo është hera e parë që një shqiptar do të jetë në krye të ekzekutivit në historinë e pavarur të këtij shteti.
Përveç, saj ai e ka lidhur edhe me figurën e Talat Xhaferit, i cili ishte një ndër eproret e ish-UÇK-së gjatë konfliktit në Maqedoninë e atëhershme.
“Ka edhe një simbolik të vijës së partisë së BDI-së, e cila siç dihet doli nga radhët e ish-UCK dhe z.Xhaferi ka qenë një ndër eprorët e saj. Ka qenë simbolik para disa vjetësh pikërisht kur z.Xhaferi ishte në ballë të Ministrisë së Mbrojtjes së Maqedonisë”, ka thënë ai në emisionin “Këndi i Debatit” në Tëvë 1.
Kryeministri i Maqedonisë Veriore, Dimitar Kovaçevski, të enjten ka dorëzuar dorëheqjen. Nga posti i Kryetarit të Kuvendit dorëheqje ka dhënë edhe Talat Xhaferi.
Zgjedhjet parlamentare në Maqedoninë e Veriut do të mbahen më 8 maj 2024.
