Lotët për të bërin zor se po mundet ti ndal.
Xhemile Gashi e cila para pak ditëve kuptoi që eshtrat e birit të saj të vrarë e të zhdukur në Kralan janë gjetur dhimbjen e ka të freskët edhe sot kur e tregon momentin se si u nda nga i biri Sahiti.
“Prej kolonës na kanë nda, edhe këtë tjetrin e ndalën. Ai u mërzit fortë kur ma ndalën këtë më të voglin, tha nënë e pat tash puna jonë krejt kem me shku. E s’di gjë, veç mos vet më keq e më gazep kukuku. Ja kanë gju djalin, e djali erdh duke bërtit oj nanë, i thash hajde të nana veç zanin ia kam ni mere djalin se shkum krejt ti mos e lsho kolonën. Çka me bo njëri me ymyd thojshim nashta nalën”, ka deklaruar ajo.
E fotoja e të birit është i vetme ngushëllime që ajo ka si kujtim nga ai.
“Kuku e rëndë boll, gjithë sa herë jam ra e sa herë jam zgjua e kom shiku foton. As në ëndërr kurrë se kam pa, them të shoh në ëndërr qysh u kanë, por kurrë as në ëndërr se kam pa veç”, tha ajo.
E sikur mos ti mjafton që në ëndërr nuk po e sheh.
Nënë Xhemilaj edhe sot jeton me pengun që i mbeti karshi të birit.
“Ia kish dhënë njëri një thes miell e në tenxhere vluam pasul, i pjekën cikat do bukë. Ia ndam bukën tha jo jo, ruani bukën fëmijëve se na jemi të rritur mundemi me qëndru pa bukë. E pse nuk hanë bukë mo, e mall tretojnë e sakatojnë aty, tre net e tre ditë mbi ta kanë luftuar”, ka pohuar Gashi.
73 vjecare ndenja e ankthit dhe pritjes iu zbut sadopak me gjetjen e eshtrave të të birit.
“Pak po vallahin, më mirë me e ditë një shenjë së gjithmonë duke ju thënë djemve s’po mundem me shku aty në Kralan ku na kanë zanë e me përkujtuar ndonjëherë, dy herë më shumë nuk jam shku. Po çka po sheh aty oj nënë me thoshin, po cka me pa aty ai vend terr lug e moz ma keq çka ish kon kiamet në atë Kralan. Veç moza ma keq për neve çka na ka bo ky shkau(serb)”.
Në mesin e të zhdukurve gjatë luftës janë gjetur dhe identifikuar në varrezën masive në Bishtazhin edhe 10 persona të tjerë. Ku pas masakrës në Kralan, forcat shtetërore të Serbisë, i kishin rrëmbyer dhe groposur në varreza masive, në përpjekje që t’i zhdukin, bashkë me dëshmitë e krimeve.
