Ai përmes një postimi në Facebook, ka thënë se ambasadori i parave të pista duhet shkarkuar.
“Ambasadori i parave të pista duhet shkarkuar sa më shpejtë, që të mos ndyhet më shumë Kosova se, sa u përket funksionarëve të VV-së, kot fshihen dhe nuk ka kush që i lanë më, sepse keq u shpërtheu ky megaskandal!”, ka shkruar Xhemaili.
Xhemaili tutje ka thënë se Qeveria nuk po di se çfarë të bëjë me këtë “megaskanda”, prandaj sipas tij në vend se të shkarkojnë ambasadorin, po e mbrojnë atë, raporton teve1.info
“Si Qeveri e Parlament, siç është parë deri sot, as që e kanë kuptuar rolin e udhëheqjes së shtetit, pasi në vend se të veprojnë e të kryejnë punët e tyre, ende vehen në rolin e opozitës për të kritikuar rivalët, si dikur, për ato të bëra e të pabëra qe sa e sa vite… Tani më, me këtë megaskandal parash të vjedhura, nuk po dijnë ç’të bëjnë, prandaj, në vend se të shkarkojnë ambasadorin, po e mbrojnë që, në fakt, po mundohen të mbrojnë veten, pasi janë në bashkëveprim të plotë me te. Veç edhe kjo ju ka dashur për ta rrumbullaksuar qarkun e premtimeve, pasi të gjitha i bënë të kundërtën e atyre që premtuan!”, ka shkruar ai.
