Kryetari i partisë Aleanca për Shqiptarët, Arben Taravari, ka shpallur kandidaturën e tij për president të Maqedonisë së Veriut për zgjedhjet presidenciale që do të mbahen më 24 prill dhe 8 maj.
Me ç’rast, analisti nga Maqedonia e Veriut, Zudi Xhelili, tha se në një takim të zhvilluar mes Taravarit dhe kryetarit të BDI-së, Ali Ahmeti, kanë rënë në përfundim se është shumë e vështirë ta gjejnë një figurë që do t’i përfaqësonte të gjithë shqiptarët.
“Takimin që kanë pasur Ali Ahmeti dhe Taravari, e kanë pasur të njëjtin mendim që të nxjerrin një kandidat të tillë. Mirëpo, kanë ardhur në përfundim që është shumë vështirë ta gjejnë një figurë të tillë që do t’i përfaqësonte të gjithë shqiptarët”, deklaroi Xhelili në emisionin “Këndi i Debatit”.
Po ashtu, Xhelili tha se kryeministri i Shqipërisë, Edi Rama dhe kryeministri Albin Kurti, në një takim me Taravarin, kanë kërkuar nga ai që të shkohet në zgjedhje vetëm me një kandidat shqiptar./teve1.info/.
