Organizatorja e protestës, Xheraldina Rexhepi, tha se në rastin e dhunimit të të miturës në kryeqytet nuk kanë dështuar vetëm institucionet shtetërore, sipas saj në këtë rast ka dështu e gjithë shoqëria.
“Kam qenë e indinjuar dje sepse është një ngjarje makabër e cila nuk ka ndodh rastësisht. Është ngjarje e cila nuk ka dështu askush, por kemi dështu krejt si shoqëri, fillimisht familja që nuk e ka ditë ku e ka vajzën 7 orë dhe familja e djemve që nuk i kanë eduku se nuk mundet me e trajtu ashtu një fëmijë”, tha Rexhepi.
Qytetari tjetër, Shukri Retkoceri, tha se kryesit e dhunimit të 11 vjeçares duhet të dënohen me varje mu në sheshin ku po protestohet.
“E ftoj Vjosa Osmanin, Albin Kurtin e Albulena Haxhiun, le t’i hetojnë prokurorët e gjyqtarët, a po i kryejnë detyrat sipas ligjit, sipas Kushtetutës. Ata dhunues e meritojnë varjen para bustit të “Skënderbeut” dhe kurrë më kësi raste nuk ndodhin”, tha ai.
Kurse Lulzim Behxheti uroi që ky rast të jetë i fundit, derisa kërkoi nga institucionet e shtetit të marrin masa rigoroze në zbulimin e kryerve të veprës.
