Ish-futbollisti i Kombëtares së Zvicrës, është i bindur se Granit Xhaka mund ti bashkohet skuadrës së Real Madridit.
Streller insiston se nuk të befasohej nëse Xhaka karrierën do ta vazhdonte te skuadra spanjolle, duke pasur parasysh se është ndër mesfushorët më të vlerësuar në Evropë.
Në fakt, Strellar thotë se nëse trajneri Xabi Alonso zëvendëson Carlo Ancelottin në krye të Real Madridit, atëherë transferimi i tij i parë do të ishte Xhaka.
Alonso e ka Xhakën lojtar kyç te Bayer Leverkuseni, ekip me të cilin mesfushori shqiptar ka fituar titullin e kampionit të Gjermanisë dhe i është bashkuar në vitin 2023 nga Arsenali.
Xhaka 32-vjeçar ka kontratë me ekipin gjerman deri në vitin 2028, ndërsa këtë sezon ka 2 gola e 6 asistime në 29 paraqitje në të gjitha garat.
