Granit Xhaka nuk e ka pranuar lehtë humbjen e Bayer Leverkusenit nga Liverpooli në kuadër të xhiros së katërt të Ligës së Kampionëve.
Mesfushori shqiptar është shprehur tejet i zhgënjyer me paraqitjen që tregoi kampioni i Gjermanisë në stadiumin “Anfield Road”.
Leverkuseni, të martën mbrëma pësoi 4:0 nga Liverpooli, i cili regjistroi fitoren e katërt në po aq ndeshje të luajtura në Champions.
“Ne e denim se nuk mund ta dominonim Liverpoolin për 90-të minuta. Por, ne pranuam gola shumë të lehtë dhe kjo nuk duhet të ndodh, sidomos në këtë nivel. Çdo humbje dhemb, por ne jemi në këtë nivel dhe duhet të luajmë kundër më të mirëve”, ka thënë Xhaka që ishte i pazëvendësueshëm tek Leverkuseni.
Për Leverkusenin, kjo është humbja e parë në Ligën e Kampionëve pasi në tri xhirot e para kishte dy fitore e një barazim. Tani, Leverkuseni ka 7 pikë, pesë më pak se Liverpooli që prinë në tabelë.
