Mesfushori Granit Xhaka ka munguar në stërvitjen e Bayer Leverkusenit të mbajtur të martën, kanë raportuar mediumet gjermane.
Megjithatë, përkundër mungesës në stërvitje, Xhaka pritet të jetë titullar te Leverkuseni në ndeshjen kundër Heidenheimit, që luhet të shtunën dhe i takon xhiros së 22-t të kampionatit gjerman.
Leverkuseni është lider në Bundesligë dhe favorit për titullin e kampionit, ndërsa Xhaka shihet si lider i ekipit të drejtuar nga Xabi Alonso.
31-vjeçari para fillimit të këtij edicioni iu bashkua Leverkusenit nga Arsenali dhe deri më tani, ka 29 paraqitje dhe një asistim për ekipin gjerman.
Xhaka ka kontratë me Leverkusenin deri në verën e vitit 2028.
Pas 21 xhirove të luajtura deri më tani në Bundesligë, Leverkuseni ka tubuar 55 pikë, pesë më shumë se kampioni në fuqi, Bayern Munichu.
