Leverkuseni dhe Granit Xhaka janë rikthyer sërish në krye të tabelës së Bundesligës gjermane.
Leverkuseni fitoi me rezultatin 2:1 të dielën mbrëma, në ndeshjen e fundit të xhiros së nëntë. Xhaka e kompletoi ndeshjen te vendësit.
Florian Wirtz në minutën e 36-të shënoi për 1:0, ndërsa Noah Atubolu realizoi autogol për 2:0 pas një ore lojë. Dhjetë minuta më vonë, Manuel Gulde shënoi për 2:1.
Leverkuseni ka 25 pikë në vendin e parë, dy më shumë se Bayern Munich. Freiburgu mbetet me 13 pikë.
