Granit Xhaka po i bën presion Bayer Leverkusenit për ta pranuar ofertën e Milanit, pasi dëshira e mesfushorit është që të transferohet në “San Siro” këtë verë.
Xhaka, në parim ka pranuar ofertën e klubit Italian dhe po pret që Milani ta bind Leverkusenin në shitjen e tij, ndonëse ekipi gjerman po heziton.
Milani ditë më parë ka bërë ofertë zyrtare për Xhakën, duke ofruar 10 milionë euro për kartonin e tij por ende nuk ka marrë përgjigje nga Leverkuseni.
Tek Leverkuseni po duan ta mbajnë Xhakën, por është 32-vjeçari që ka kërkuar largimin për të vazhduar karrierën në Serie A.
Me presionin e Xhakës dhe insistimin e Milanit, gjasat janë të mëdha që marrëveshja me Leverkusenin të arrihet, pasi ekipi Italian është gati të paguajë deri në 15 milionë euro për mesfushorin.
Xhaka ka kontratë me Leverkusenin deri në verën e vitit 2028 kurse më herët ka luajtur për Arsenalin e Baselin.
