Mesfushori Granit Xhaka ka zbuluar synimet e mëdha që i ka me Bayer Leverkusenit.
Pasi e mbylli edicionin me titullin e kampionit dhe Kupën e Gjermanisë, Xhaka dëshiron suksese tjera në sezonin 2024/25.
Leverkuseni për herë të parë në histori të klubit u shpall kampion i Bundesligës, ndërsa u mposht në finalen e Ligës së Evropës.
“Nuk kam ardhur këtu që të fitoj tituj vetëm gjatë një viti, por uroj edhe në vitet që vijnë. Ne e kemi parasysh potencialin tonë, ndërsa vendimi i trajnerit Alonso për të qëndruar është shumë i mirë. Do të bëjmë gjithçka për t’u siguruar që të kemi top-ekip për sezonin e ri dhe më pas të tentojmë të kthehemi ku jemi tani”, ka thënë Xhaka.
31-vjeçari verën e shkuar iu bashkua Leverkusenit nga Arsenali dhe ka kontratë deri në vitin 2028. Në sezonin e sapo-përfunduar, Xhaka realizoi 4 gola dhe bëri 2 asistime në 50 paraqitje në të gjitha garat.
