Maqedonia Veriore në vitin 2024 do të ketë dy palë zgjedhje, ato për zgjedhjen e presidentit dhe zgjedhjet parlamentare.
Kjo do të mundësojë që Qeveria e këtij shteti për herë të parë të drejtohet nga një kryeministër shqiptar.
Një gjë të tillë siç ka treguar Kryetari i Kuvendit të Maqedonisë Veriore, Talat Xhaferi, e mundëson marrëveshja politike ndërmjet 4 partive kryesore.
Ai në një intervistë për emisionin “Këndi i Debatit”, në Tëvë 1, ka thënë se është marrëveshje politike e kësaj shumicë, që në 100 ditët e fundit të qeverisë, ajo të drejtohet nga një kryeministër shqiptar.
“Çështja e kryeministri shqiptar është e definuar nga kjo përbërje parlamentare dhe ka qenë temë e diskutimeve politike në përbërjen e shumicës aktuale, është marrëveshje politike për bashkëqeverisje në këtë mandat, që 100 ditët e fundit të kësaj përbërje parlamentare me qeverinë teknike të udhëheq një kryeministër shqiptar”, ka Xhaferi.
I pyetur nëse ekziston mundësia që pas zgjedhjeve të reja të ketë një kryeministër shqiptar, ai ka thënë se kjo varet nga konsensusi i shumicës pas zgjedhjeve.
