Deputeti i Lidhjes Demokratike të Kosovës (LDK), Krenar Xhaferi, është shprehur i bindur se ky subjekt politik do të jetë favorit në zgjedhjet lokale të 12 tetorit.
Sipas tij, LDK-ja do të fitojë pa asnjë diskutim Komunën e Prishtinës, Komunën e Gjilanit, Komunën e Rahovecit, si dhe do t’i ruajë komunat ikonike të saj.
“Te Prishtina jam i bindur që LDK-ja do ta fitojë pa asnjë diskutim. Për pjesën tjetër të komunave, ato komunat ikonike që i kemi, pa diskutim do t’i ruajmë. Besoj fuqishëm që Gjilani ka një moment jashtëzakonisht të mirë, sepse aty kemi një kryetar që realisht ka punuar. Pa dyshim, ka lajme të mira edhe për Podujevën, edhe për Rahovecin. Besoj që ndoshta do të jetë një surprizë në këto zgjedhje sa i përket LDK-së në aspektin pozitiv. Pra, besoj që LDK-ja do të jetë favorit në këto zgjedhje”, ka deklaruar ai në emisionin “Këndi i Debatit” në Tëvë1.
