Skuadra e Barcelonës të mërkurën mbrëma nuk pati natën më të mirë të mundshme. Ata u mposhtën edhe njëherë tjetër nga Bayern Munchen dhe për më tepër u diskualifikuan nga Champions League për të vazhduar garën në Europa Ligë.
Trajneri i kësaj skuadre ka thënë se pavarësisht largimit nga Liga e Kampionëve, ata duhet të vazhdojnë sezonin e tyre sepse ka edhe gara të tjera ku ata mund të triumfojnë.
“Ne duhet të luftojmë për të gjitha trofetë muajin tjetër. Është Europa Liga, La Liga, Kupa e Mbretit, Superkupa. Jam i bindur se mund të garojmë në të gjitha”, u shpreh spanjolli.
Ai më pas foli edhe për nivelin e ligave, duke thënë se ajo spanjolle dhe Premier Liga angleze nuk kanë dallim në kualitet.
“Unë njëmend besoj se La Liga është në të njejtin nivel me Premier Ligën”, shtoi ishmesfushori i Barcës.
Katalunasit aktualisht gjenden në pozitën e dytë në La Liga me 28 pikë, tri më pak se lideri Real Madrid.
