Sipas tij, vizitë historike do ishte vetëm në qoftë kancelari gjerman do kishte lajme konkrete sa i përket çështjes për liberalizimin e vizave.
Ndërkaq, Xani tha se nuk është e mjaftueshme vetëm mbështetja e Gjermanisë për liberalizimin e vizave për qytetarët e Kosovës. Prandaj, duhet fituar mbështetja edhe nga vendet tjera të Bashkimit Evropian, shtoi ai.
“Ndoshta për kryeministrin Albin Kurti, vizita e Kancelarit gjerman Olaf Scholz ishte historike, mirëpo zakonisht vizitat historike kanë edhe sjellje historike. Vizita e kancelarit gjerman ishte e rëndësishme, por nuk kishte mesazhe historike. Vizitë historike do ishte vetëm në qoftë se do të kishim një lajm konkret sa i përket liberalizimit të vizave apo për çështjet e tjera. Kancelari gjerman i tha disa çështje të cilat kanë qenë edhe më herët në qëndrime. Kosova i plotëson kushtet për liberalizim të vizave. Por, duhet ta fitojë mbështetjen prej vendeve tjera anëtare të Bashkimit Evropian, nuk është e mjaftueshme vetëm përkrahja e Gjermanisë”, tha Xani në emisionin “Ditari” në Tëvë1.
Teksa sot gjatë ditës kryeministri i Kosovës, Albin Kurti ka thënë se vizita e sotme e Kancelarit gjerman, Olaf Scholz ishte historike.
Sipas tij, kjo vizitë ishte dëshmi e marrëdhënieve të fora të dyja vendeve.
