Analisti Visar Xani tha se agjenda e Këshillit të Ministrave për futjen e Kosovës në agjendën e KiE-së, nuk është e pandryshueshme dhe e paplotësueshme, por shtoi se për këtë sheh pak mundësi, raporton teve1.info
Në emisionin “Ditari” në Tëvë1, Xani tha se nëse Kosova do të lobonte, ndryshimi i agjendës do të ishte i mundur por sipas tij në këtë situatë ka pak gjasa.
“Por nëse do të ketë lëvizje nuk është e pandryshueshme dhe e paplotësueshme agjenda edhe në pikën për Kosovën. Por, nëse e analizojmë terrenin që është duke ndodhur në Kosovë, vështirë për të besuar që do të ketë lëvizje në këtë drejtim edhe pse e kemi zakon në terminin e fundit dhe shtesës të dalim me kompromise dhe marrim vendime të tilla dhe nuk me befason nëse kemi vendime të tilla por në aspektin lotimit politik që do të duhej të ishte Kosova, në aksion them minimalisht shoh se pothuajse aspak lëvizje”, u shpreh ai.
Ndërsa, pas 17 majit 2024, Xani mundësinë e dytë të Kosovës për futje në agjendën e Këshillit të Ministrave të BE-së e sheh pas një viti.
“17 maj 2025 në rastin më të mirë Kosova mund të jetë pjesë e agjendës në KiE për shkak se këto bëhen një herë në vit dhe e kemi mundësinë tjetër më 17 maj 2025 por edhe atëherë nëse nuk ka zhvillime tjera politike. Çka duhet të bëjë Kosova nuk mund të them për shkak se deri atëherë Asociacioni mund të mos jetë relevant, por mund të vjen një kërkesë tjetër”, u shpreh analisti Xani.
Ai tha se Kosova ka bërë që të “ulet pazari” në kompromis, pasi sipas tij fillimisht Asociacioni është ruajtur për njohje të Serbisë, derisa tani shtoi se ka rënë për anëtarësim në KiE.
“Kemi ra kaq poshtë sa që kemi arritur nga karta për njohje çështjen e Asociacionit, e kemi bërë për tu anëtarësuar në KiE. Nuk them se është organizatë e parëndësishme por papjekuria e Kosovë ka bërë që të ulë pazarin e kompromisit. Kosova humb shumë edhe një vit nëse nuk anëtarësohet si nga aspekti politik, diplomatik, qytetarët e Kosovës por mbi të gjitha anëtarësimi në KiE na bënë shumë më shtet, na rritës sovranitetin sepse vetëm shtete sovrane janë aty përndryshe është imazh i keq për Kosovën, do të humbet besimi që Kosova i kryen obligimet që i merr në Bruksel dhe besimi i faktorit ndërkombëtar karshi Kosovës do të jetë zero”, tha Xani.
