I ftuar në emisionin “Ditari”, Xani theksoi se raporti i BE-së, i konstaton veprimet konkrete në disa fusha. Prandaj, sipas tij, ky raport duket se i paraprinë një vendimi për miratimin e vizave.
“Nëse e marrim si tërësi duket një raport i matur. Mbase i paraprinë ky edhe një vendimi të mundshëm për liberalizim të vizave. Dhe nëse do të kishim një raport më kritik atëherë i bie që do të ishte dhe një si me thënë, një kundër argument ose një argument prej shteteve të cilat nuk e përkrahin liberalizimin e vizave”, tha ai.
Tutje Xani tha se rëndësishme është që ka progres dhe një sinjal në këtë raport, e që sipas tij, kritikat në këtë raport nuk janë aq të ashpra, që mund të ndikojë shumë të procesi i liberalizimit të vizave.
Zyra e Bashkimit Evropian ka publikuar të mërkurën raportin e Progresit për Kosovën. Këtë raport presidentja e vendit, Vjosa Osmani e ka pranuar nga shefi i Zyrës së Bashkimit Evropian, Tomas Szunyog./teve1.info./
