Analisti politik, Visar Xani, ka thënë se me pranimit e draft- statutit të Asociacionit të propozuar nga Bashkimi Evropian, Kosova ka bërë kompromisin më të madh se me fusnotën.
Sipas tij me rezolutën 1244 nuk ka njohje de-facto nga Serbia.
“Ky është kompromisi më i madh se sa fusnota që kemi pas, nuk ka njohje de-facto me rezolutën 1244 aty”, ka thënë Xani në emisionin “Këndi i Debatit” në Tëvë 1.
Ai ka thënë se ky draft-statut nuk mund të krahasohet me marrëveshjet e vitit 2013 dhe 2015, pasi është shumë se “Zajednica e PAN-it si e ka quajtur Kurti”
“As që mund të krahasohet, kjo është Zajednicë me z të kuqe. Është shumë më shumë se Zajednica e PAN-it, siç e ka quajtur Kurti”, tha ai.
Xani ka vlerësuar se ky draft-statut po të dërgohet në Gjykatën Kushtetuese, dhe nëse ka vlerësim të drejtë dhe pa ndërhyrje nuk kalon.
Duke folur për atë se drafti i publikuar nuk është zyrtarë, Xani ka thënë se nëse s’do të ishin ai që ka pranuar Kurti, Qeveria do duhej ta demantonte ashpër.
Kryeministri i Kosovës, Albin Kurti, ka thënë se drafti i propozuar nga emisarët e BE-së dhe SHBA-së, është më i avancuar se ai i marrëveshjes së vitit 2013 dhe 2015.