Njohësi i çështjeve politike, Visar Xani e ka cilësuar si të vështirë gjetjen e një zgjidhjeje për situatën e krijuar në veri të vendit.
Por që sipas tij, është e rëndësishme që situata të paktën të mbahet në gjendjen e cila është për momentin, dhe të mos shkohet drejtë një krize më të thellë.
Xani në emisionin “Ditari” në Tëvë1, theksoi se tashmë Kosova e ka bërë një hap pavarësisht se siç tha ai, është i duhur apo jo, sipas tij, Qeveria do të duhej që këtë situatë tashmë të krijuar ta përdorte në favor të saj.
“Tashmë Kosova e ka bë një hap të duhur, ose jo, lënë shumë për të analizuar, por që hapin të cilin e ka bë është jo e kuptimshme që të kthehet me kosto zero aty ku ka qenë. Prandaj situatën që e ka tashmë të krijuar konsideroj që do të duhej të përdorte në favor të saj në çështje të bisedimeve dhe të takimeve diplomatike dhe të negociojë një ridizajnim”, tha ai.
Madje Xani deklaroi se pavarësisht thirrjeve për tërheqje të Policisë së Kosovës nga veriu, Qeveria nuk do të duhej ta merrte një hap të tillë sepse siç tha ai, do të ishte një gabim edhe më i madh për shkak se sipas tij, do ta rikthente Kosovën në pikën zero.
“Deri aty ku ka shku do të thotë të ngelet nëse do të ketë mundësi për të biseduar dhe për t’iu kthyer normalitetin do të duhej të ishte e hapur Qeveria e Kosovës. Por që për tu tërhequr pra prapa edhe Policia nuk është pastaj serioze as për konsum të brendshëm, por as për konsum të jashtëm. Edhe pse kemi deklarata jashtëzakonisht të forta që do të duhej që Policia e Kosovës të tërhiqej këtu mund të konsideroj që nëse Qeveria e Kosovës, ndoshta s’ka qenë hap i duhur, por tërheqja është gabim edhe më i madh për shkak që e rikthen koston zero, i motivon grupet kriminale se asgjë s’mundet me u bë në veriun e Kosovës pa aminin e Beogradit. Dhe kjo në nëse je në negociime do të jetë shumë për shkak se ti po e përdor një mjet të organizuar kriminal për të arritur qëllime politike dhe për të arritur favore të ndryshme ose kushtëzime të ndryshme, qoftë për Kosovën, qoftë edhe për Bashkësinë Ndërkombëtare”, tha Xani./teve1.info./
