Xani ka thënë se Serbia po shfrytëzon lëvizjet gjeopolitike dhe në mënyrë të fshehtë po sulmon Policinë e Kosovës.
“Beogradi po shihet që po shfrytëzon lëvizjet gjeopolitike, nëse e analizojmë 10 vite më herët me sot ka ndërruar strategji sa i përket destabilizimit në veri, përpara i ka pasur strukturat paralele, mbrojtja civile e cila ka qenë si dhe grupet e tjera ndërsa sot në mënyrë të fshehtë ose prej pozicioneve të caktuara sulmon Policinë e Kosovës”, tha ai.
Po ashtu, Xani në emisionin “Këndi i Debatit” në Tëvë1, thotë se mekanizmat si AKI-ja dhe të tjerat munden që të identifikojnë sulmuesit në veri.
“OSBE-ja thotë që duhet të identifikohen sulmuesit, po çka është me e rrezikshmja mënyra se si me arrit deri te identifikimi i destabilizuesve, politikisht e dimë qëllimin por praktikisht duke llogaritur edhe mekanizmat e kontrollit dhe sigurisë, dhe nëse e shohim aspektin gjeografik është pothuajse terren i papërshtatshëm. Nëse e llogaritim forcën të cilën e ka Policia e Kosovës, një forcë e re konsiderojmë që mekanizmat si AKI-ja munden të bëjnë më shumë në këtë çështje sesa aspekti operativ policor ose aspektet e tjera”, ka theksuar ai.
Xani ka thënë se Kosova nuk duhet të bie në provokim të Serbisë.
“Beogradi me një diplomaci “të njohur” duke luajtur rolin e viktimës dhe rolin të njëjtën kohë në tavolinë duke provuar destabilizimin, po shpresoj që pala e Kosovës nuk duhet të bjerë në provokim të Beogradit në këtë rast, me qëllim që të tejkalohet kjo dhe të shohim pozicionin e saktë të Serbisë sa i përket tendencës për ndryshim të ri botëror”, tha më tej ai. /teve1.info/
