Ambasadori Robert Wood, përfaqësues Alternativ i Shteteve të Bashkuara të Amerikës për Çështje Speciale Politike në Kombet e Bashkuara, është deklaruar pas takimit që patën të hënën më 22 prill me presidenten e Kosovës, Vjosa Osmani-Sadriu.
Misioni i ShBA-së në Kosovë, ka bërë të ditur se Wood dhe Osmani diskutuan për marrëdhëniet e ngushta dhe të qëndrueshme dypalëshe.
“Ambasadori Wood nënvizoi aspiratat e SHBA-së për të gjitha vendet në Ballkanin Perëndimor për të ndërtuar një integrim më të madh ekonomik rajonal, për të nxitur stabilitetin rajonal, demokracinë dhe shoqëritë multi-etnike dhe për të mbrojtur sundimin e ligjit”, thuhet në deklaratë.
Ndërkohë, është njoftuar se ambasadori Wood përsëriti thirrjen e Shteteve të Bashkuara për Kosovën dhe Serbinë që të ndërmarrin hapa konkretë përpara përmes dialogut të lehtësuar nga BE./teve1.info/
Ambassador Wood met earlier this week with Kosovo President @VjosaOsmaniPRKS and expressed the U.S. support for an EU-facilitated dialogue to deliver economic integration, regional stability, and democracy to the people of Kosovo and Serbia. https://t.co/TdbPIrYBS8 pic.twitter.com/TGTpstTqqW
— U.S. Mission to the UN (@USUN) April 25, 2024
