Ekipi i Wolverhamptonit është futur në garë për Anis Mehmetin dhe po shihet favorit për transferimin e sulmuesit gjatë këtij muaji.
Thuhet se Wolvesi edhe zyrtarisht ka kontaktuar Bristol Cityn, ekip me të cilin Mehmeti ka kontratë deri në fund të këtij sezoni.
Wolvesi po insiston ta mbyllë me sukses marrëveshjen, pasi 25-vjeçari po kërkohet edhe nga Ipsëich Toëni, ekip që bën gara në Championship.
Mehmeti është njëri prej lojtarëve më të vlerësuar këtë sezon në kategorinë e dytë angleze dhe ende nuk ka rinovuar kontratën me Bristolin, pjesë e të cilit është prej vitit 2023.
Në 28 ndeshje të luajtura deri më tani në Championship, Mehmeti ka realizuar 8 gola dhe ka bërë 6 asistime.
Mehmeti ende nuk ka vendosur për të ardhmen e tij dhe mbetet të shihet deri në fund të këtij afati kalimtar se ku do të përfundojë, do të mbetet te Bristoli apo do ti pranojë ofertat e skuadrave tjera për të vazhduar karrierën.
