West Ham Unitedi po insiston në shërbimet e mesfushorit të Gjermanisë, Leon Goretzka shkruan të enjten “Bild”. Mësohet se Goretzka ka kërkuar largimin nga Bayerni dhe West Hami po synon transferimin e tij në afatin kalimtar të janarit.
28-vjeçari po shihet si përforcim i madh në mesfushë për ekipin anglez, i cili është gati të ofrojë mbi 40 milionë euro për kartonin e tij.
Goretzka këtë edicion ka 2 gola e po aq asistime në 14 ndeshje për Bayernin, ekip me të cilin ka kontratë deri në vitin 2026. Ai është pjesë e Bayernit prej vitit 2018 kur iu bashkua si lojtar i lirë nga skuadra e Schalkes.
