Aaron Wan-Bissaka është afër rikthimit te skuadra e Manchester Unitedit, pasi tashmë ka nisur stërvitjet me pjesën tjetër të grupit në “Carrington”.
Mbrojtësi i krahut të djathtë pati lëndim në muskul në minutat e fundit të ndeshjes së Unitedit ndaj Brightonit në Premier League, në muajin shtator.
“Daily Mail” ka shkruar të premten se ai nuk ka stërvitur më në palestër, por po ushtron në fushë të hapur, në mënyrë individuale. Stafi mjekësor i “djajve të kuq” shpreson që ai të jetë i gatshëm brenda 10-të ditësh.
Nuk do të mund të luajë të dielën në derbin kundër Manchester Cityt. Wan-Bissaka mund të luajë kundër Newcastle Unitedit në “Carabao Cup” të mërkurën në mbrëmje.
