Lëvizja Vetëvendosje (LVV), ka kërkuar mbledhje të jashtëzakonshme për emërimin e kryesuesit të Kuvendit.
Nga kjo parti, thonë se Kuvendi vazhdon të mbetet jo funksional dhe po bëhen tre muaj që nuk është mbajtur asnjë mbledhje e rregullt.
“Tashmë kanë kaluar dy javë nga shkarkimi i Kryesuesit të Kuvendit Komunal dhe akoma nuk kemi parë ndonjë rezultat konkret në drejtim të emërimit të kryesuesit të ri nga partia që ka pushtetin në Prishtinë, LDK, dhe Kryetari Përparim Rama. Kuvendi vazhdon të mbetet jo funksional dhe po bëhen tre muaj që nuk është mbajtur asnjë mbledhje e rregullt. Shumë çështje esenciale për qytetin, rregullore e projekte, pika diskutimi e vendime, kërkesa e ankesa, kanë mbetur pezull dhe të pa trajtuara nga ata që janë të zgjedhur dhe kompetentë për këtë punë, këshilltarët komunal”, thuhet në një postim në Facebook.
Po ashtu, në njoftim thuhet se kjo bllokadë totale, ku po mungon llogaridhënia dhe transparenca e cila sipas tyre i konvenon vetëm pushtetarëve komunal. /teve1.info/
