Një video të publikuar nga kjo parti thuhet se njërit e lidhur me politikën kanë përvetësuar 37 milionë euro për një vit nga dhjetë terminale.
“Por në Republikën e Kosovës terminalet në çdo cep të saj kanë qenë në pronësi private të lidhura ngushtë me politikën. 37 milionë euro i kanë përvetësuar për 1 vjet vetëm prej 10 Terminaleve. 370 milionë euro për 10 vjet prej këtyre Terminaleve. Ndërkaq tash Qeveria Kurti ka filluar kthimin e terminaleve në shtet prej nga do të përfitojë Republika”, thuhet në publikimin e VV-së.
Në videon e publikuar nga VV-ja përmendet ish-deputetja e PDK-së, Margarita Kadriu e cila siç thuhet në video ka fituar terminal në këmbim të votës për zgjedhjen e Hashim Thaçit president. Aty përmendet edhe Sami Lushtaku, djemtë e ish-kryeministrit Isa Mustafa dhe Devollët të cilët sipas tyre kanë përfituar terminale.
Në publikimin e VV-së përmendet edhe fillimi i punës së Terminalit të Kosovës në Portin e Durrësit që sipas tyre e bën të mundur që ekonomia jonë për eksporte dhe importe tashmë ka qasje në det dhe tregje globale.
Vetëvendosje ka thënë se Qeveria Kurti ka kthyer terminalet në pronësi shtetërore./teve1.info/
