Për të nëntën herë, situata po përsëritet.
Edhe këtë të enjte, pas 48 orëve u mblodhën deputetët e Kuvendit të Kosovës për të konstituuar këtë institucion.
Mirëpo, kësaj radhe përkundër dështimit, kishte disa zhvillime të reja.
Kryesuesi i seancës, Avni Dehari duke i cituar ligjet kërkoi votim të fshehtë për kandidatin e Vetëvendosjes për kryeparlamentar.
Ai kërkoi që të propozohen anëtarët për një komision vlerësues për këtë votim.
Andaj, Vetëvendosje e propozoi një emër.
E kur iu kërkua partive opozitare, ato e refuzuan duke thënë se kjo është e kundërligjshme.
Komisionin vlerësues e refuzoi edhe partia tjetër parlamentare, Lista Serbe.
Kështu, Lëvizjes Vetëvendosje përkrahje i ofruan vetëm partitë e minoriteteve të cilat i ka në koalicion.
Mirëpo, kjo përkrahje nuk mjaftoi, pasi u bënë vetëm 55 vota për.
Partia Demokratike, Lidhja Demokratike dhe Aleanca për Ardhmërinë e Kosovës nuk morën pjesë fare në votim.
Andaj, vazhdimi i seancës do të vazhdoj pas 48 orëve.
