Deputetja së LVV-së, Arbëreshë Kryeziu-Hyseni për emisionin “Ditari” në Tëvë1 ka folur për dështimin e seancës së fundit të konstituimit të Kuvendit të Kosovës si dhe për letrën të cilën ia ka dërguar kryetari i VV-së, Albin Kurti, Lumir Abdixhikut.
Kryeziu është shprehur se ky bllokim i konstituimit të Kuvendit të Kosovës po bëhet pa ndonjë arsye dhe se kjo nuk duhej të diskutohej nga partitë e tjera.
“Pa ndonjë arsye po mbahet peng konstituimi i Kuvendit të Kosovës kur dihet qartazi që e drejta për të kandiduar për kryetar të Kuvendit i takon partisë fituese ku meqë kjo e jona është të propozojmë kandidatin tonë nuk do të duhet të krijonte hapësirë për partitë e tjera politike që të krijonte diskutime emri i kandidatit dhe ne nuk duhet ti pyesnim ata se cilin nga kandidatët të zgjedhim. Pra është një detyrë ku do të kishte përfunduar që moti pasi partitë opozitare nuk duhet ta bllokonin situatën dhe ta mbani të tillë në shumë seanca me radhë ”, ka thënë ajo.
Gjithashtu, Kryeziu ka thënë se disa prej deputetëve frikësohen nga kandidatja e cila është zgjedhur që të votohet dhe kjo është njëra prej arsyjeve pse ende nuk kemi një Kuvend.
“Unë po ashtu mendoj se po këta deputetë të cilët nuk po e votojnë dhe janë kundër Albulena Haxhiut është sepse frikësohen dhe kjo është njëra nga arsyet se ende nuk është formuar Kuvendit”, shtoi Kryeziu.
Kryeziu-Hyseni ka folur edhe për letrën të cilën ka dërguar Kurti ndaj Abdixhikut, ku ka thënë se kjo letër erdhi pas mungesës së tij në takimin e fundit ku ftojë Kurti PDK-në dhe LDK-në.
“Kjo ftesë ka ardhur pasi që kryetari i VV-së Albin Kurti ftojë në takim të dy kryetarët e partive të PDK-së dhe LDK-së në një takim, ku në atë takim prezent ishte vetëm Memli Krasniqi, ndërsa Lumir Abdixhiku kishte munguar dhe kemi dërguar për një takim për të cilin do të mund të flisnim për një marrëveshje politike e cila mund ta nxjerr vendin në këtë situate të cilën është krijuar dhe shpresojmë që të kemi një përgjigje pozitive”, përfundojë Kryeziu.
