Në seancën e jashtëzakonshme të Kuvendit të Kosovës të thirrur nga opozita prapë nuk morën pjesë deputetët e pushtetit. Në ulëset e tyre, Partia Demokratike e Kosovës vendosi kapela të zeza, për të kundërshtuar përgjimet e reja të Dejona Mihalit me kryeshefin e KEK-ut, Nagip Krasniqi. Mirëpo, deputetët e ndërprenë këtë seancë dhe fjalimet i vazhduan para objektit të Radio Televizionit të Kosovës për shkak që këta të fundit nuk e transmetuan seancën.
Kapelat e zeza u vendosën në ulëset e zbrazëta të deputetëve të pushtetit.
Në këtë formë, Partia Demokratike e Kosovës po e fillon aksionin e saj pas përgjimeve të fundit në mes koordinatores të Komiteteve të Vetëvendosjes, Dejona Mihali dhe ish-kryeshefit të KEK-ut, Nagip Krasniqi.
“Me ju fol kapelave, është si me i fol Vetëvendosjes”, tha Tahiri.
Por për shefin e grupit parlamentar të PDK-së, Abelard Tahiri, më shqetësuese është qasja e Radio Televizionit të Kosovës që nuk e transmetojë seancën e jashtëzakonshme.
E që fjalimet e tyre të dëgjohen, deputeti nga radhët e Lidhjes Demokratike të Kosovës, Armend Zemaj pati një propozim.
Ndërsa, shefi i grupit parlamentar të Aleancës për Ardhmërinë e Kosovës, Besnik Tahiri fjalimin e tij e filloi në drejtim të kapelave.
Kjo seancë e jashtëzakonshme e thirrur nga opozita u ndërpre, pasi deputetët opozitarë të Kuvendit të Kosovës deklarimet i vazhduan para RTK-së.
Ndërkohë, deputetët e pushtetit thanë të hënën që nuk do të marrin pjesë në seancat që i thirr opozita.
