Lëvizja Vetëvendosje ka reaguar pas raportit të Bankës Botërore lidhur me rritjen ekonomike për vendet e Ballkanit Perëndimor, ku parashikohet që Kosova pritet të ketë rritje ekonomike prej 3.7 për qind këtë vit dhe prej 3.9 për qind në vitin 2025.
Në faqen zyrtare, partia në pushtet ka publikuar këto të dhëna, derisa ka theksuar se Kosova renditet e para në Ballkanin Perëndimor.
“Kosova me rritjen më të lartë ekonomike në Ballkanin Perëndimor për vitin 2024 dhe 2025, thotë raporti dyvjeçar i Bankës Botërore që u publikua sot”, thuhet në postimin në Facebook.
Ndryshe, Banka Botërore ka parashikuar në një raport të enjten rritje ekonomike prej 3.2 për qind këtë vit dhe prej 3.5 për qind në vitin 2025 në gjashtë vendet e Ballkanit Perëndimor. /teve1.info/
