Kryeministri i Kosovës, Albin Kurti, nga Parisi ka udhëtuar për në Malaga të Spanjë, ku do të marrë pjesë në Kongresin e Partisë së Socialistëve Evropianë 2023.
Në Partinë e Socialistëve Evropianë, anëtare është bërë edhe Lëvizja Vetëvendosje, e cila udhëhiqet nga kryeministri Kurti.
“Lëvizja VETËVENDOSJE! bëhet anëtare e organizatës më të madhe socialdemokrate në Evropë – PES”, thuhet në postimin e partisë në “X”.
Zyra e Kryeministrit thotë se ky kongres “Evropa në krye” do të bashkojë krerë e liderë të shteteve e qeverive të udhëhequra simotra.
Gjatë kësaj vizite njëditore, Kurti do të jetë i shoqëruar nga ministri i Kulturës, Rinisë dhe Sportit, Hajrullah Çeku, si dhe nga zëvendësministri i Punëve të Jashtme dhe Diasporës, Kreshnik Ahmeti./teve1.info/
Lëvizja VETËVENDOSJE! bëhet anëtare e organizatës më të madhe socialdemokrate në Evropë – PES pic.twitter.com/zFcqak5BCT
— Lëvizja VETËVENDOSJE (@LVetevendosje) November 10, 2023
